An Experience to Remember (December 8, 2013)

Almost all of us have cried a river after supertyphoon Yolanda battered Visayas sweeping away everything and killing thousands of people. Mixed emotions filled my heart. Providing relief goods, housing materials, and jobs is really hard but what more difficult is to provide psychological and emotional relief to people especially to children who are not that resilient like adults. I really do not have material things to offer for the Yolanda survivors. So I have searched on things on how to help in my own little way. And what is most wonderful way to celebrate my son's 4th year liver transplant anniversary than to celebrate it by just a simple way of giving back. A lot of people have helped us in 2009 and as a matter of fact, I have lost count already. This is the least way of paying it forward. #Booth7 will remain in my heart forever especially #John and #May. I will forever cherish the moments even if it was only a few hours...a few hours that matter a lot to me and my son Jan Ciryl Tiburcio. Mabuhay ang lahat ng mga taong nagpunyagi upang maisakatuparan ang napakadalisay na layuning makatulong sa mga batang naging biktima ni Yolanda! Mabuhay ang #Booth7! Sana po ay magkita tayong muli.

Sa Iyo Aking Bunso

Ilang minuto makalipas ang ikawalo ng gabi

Magandang panahon, taong 2003, ika-23 ng Setyembre

Mahal kong bunso'y, mabilis kong nailuwal

Nawa'y maayos ang iyong lagay, aking naiusal

Labis-labis akong nag-alala nang kita'y aking mamulatan

Ang pinakamamahal kong bunsong sanggol, nang makita at mahawakan

Kakaiba ang kulay ng balat mo, ang labi mo'y nangingitim

Ang iyong yayat na katawan, may duda akong may sakit na angkin

Napag-alaman naming may nakuha kang impeksyon

Dalawang-linggong singkad, araw-araw may ineksyon

Kahit kaawa-awa ang iyong itsura at kalagayan

Patuloy kaming umaasang ito'y iyong malalampasan

Mula Oktubre hanggang Nobyembre sa parehong taon

Kabi-kabilang laboratoryo, maraming doktor hiningan ng konsultasyon

At noong ika-6 ng Disyembre, 2003...nasalang sa unang operasyon

Tinanggal na ang iyong apdo, bituka at iyong atay pinagdugtong

Aking munting bunsong payat at may sakit

Sa maliit na kama ng ospital, mata'y dumilat pumikit

Hindi ko maipaliwanag ang hirap, pait, at sakit

Wala akong magawa kung hindi ang maghinagpis

Matuling lumipas ang daloy ng panahon

Ang sabi ng mga eksperto dapat ka uling isalang sa isa pang operasyon

Operasyong nagkakahalaga ng 3 hanggang 4 na milyon

Saan kaya kami kukuha...tanong ko sa ating Panginoon

Hindi ko na mabilang kung makailang ulit

Labas-masok ka sa ospital palagi at paulit-ulit

Madalas ko lang ibulong at sabihin sa iyo

"Mahal kong bunso ikaw ay gagaling, gagaling ka aking bunso!"

Limang taon ang nagdaan patuloy ang hamon

Palaki nang palaki ang iyong tiyan, kabang-kaba ako noon

Ilang ulit na ako'y halos nawalan ng pag-asa

Kung paano  at ano ang gagawin para ka maisalba

Ngunit ako'y nagpumilit pa ring kumapit sa Diyos

Nanalig na may himala at ang unos ay matatapos

May milagro ang Panginoon, manalig lang tayo

"Mahal kong bunso ikaw ay gagaling, gagaling ka aking bunso!"

Ako na iyong Ina ay parati na lamang balisa

Luluha-luha, dibdib ay kakaba-kaba

Minsang walang magawa kahit isa

Kung hindi malalim lamang na buntunghininga

 Ika-15 ng Disyembre, taong 2009

Sa tulong ng maraming tao, lalo't higit ng Diyos

Ang akala ko ay hindi mangyayari ang mga milagro

"Naoperahan ka bunso, ikaw ay gagaling, gagaling ka na bunso!"

Noong ikaw ay anim na buwang nasa ospital

Ang iyong malamlam na titig, ang mukha mong pagal

Hirap mo'y dama ko..."Mabuhay ka anak." aking dasal

Sa tuyot mong ngiti, ako'y lumalakas, "Mabuhay ka anak." dalangin ko sa Maykapal

Walang anu-ano at tunay na himala

Ikaw aking bunso ay lumakas na bigla

Ang bunso kong akala ko'y mawawala

Mahusay na ang itsura, ang ngiti mo na ay may tuwa

"Buhay ka aking bunso, gumaling ka aking bunsong anak!"

Ilang linggo na lang ikaw ay higit na lalakas

Akin itong binabanggit kahit luha'y nalalaglag

Napakabait ng DIYOS, Salamat sa KANYANG tulong at habag

Sa iyo aking bunso, mahal kong anak na hirang

Kung ano man ang iyong mga kailangan

Ako na iyong ina'y palaging narito lang

"MAHAL KITA BUNSO, HINDING-HINDI KITA IIWAN!"

(Apat na taon na ang regalong buhay sa iyo ng Diyos bunso. Salamat po muli Panginoon.)

May Pag-asa Matapos si Yolanda

Ang pait at sakit na dulot ng hagupit ng iyong ngitngit

Sa bawat alimpuyo ng iyong hanging walang patid

Marami sa aming humiyaw at nanangis

Ang bawat puso'y umapaw sa hinagpis

Binura mo ang kagandahang taglay ng paligid

Napaglaho mo ang ligaya at saya sa aming dibdib

Sa mga pighating sa amin ay sumapit

Nasaan ang araw, may pag-asa pa kayang sisilip sa isang unos na kay lupit

Mga puno'y iyong mabilis na ibinuwal, mga ugat ay iyong hinugot

Mga lupang sa putik ay nalunod

Kasama ng mga halamang karamihan ay nabunot

Kailan kaya mapapawi ang dala nitong lungkot?

Mga istrukturang nasira, mga bahay halos lahat ay nagiba

Mga pananim na nawasak at pangarap na naglahong parang bula

Mga taong nasaktan at mga buhay na nawala

Nagdurugo ang aming puso, bumabalong na ang luha

Itong munting paru-paro ay sumisimbolo sa patuloy na paglalakbay

Nagpupumilit makamtan ang pag-alpas sa pagsubok ng buhay

Kanyang patuloy na liliparin ang malawak na papawirin

Ikinakampay ang pakpak upang pag-asa'y marating

Munting paru-paro'y simbolo ng pag-asa

Nadadamitan ng tatlong kulay dilaw, asul, at pula

Mga kulay na sumisimbolo sa ating bansang sinisinta

At patuloy na lilipad at muling umaasa

Oh Yolanda, matapos ang iyong daluyong at haplit

Sa paghupa ng iyong hampas, alimpuyo, at galit

Salamat kay Ama, sa kabila ng pinsala at pait

Ang ngiti ay sisibol, titindi pa rin ang pagkapit

Buong Pilipinas, patuloy na babangon

Upang harapin ang kahit anong hamon ng panahon

Kahit saang dako, Mindanao man, Visayas, o Luzon

Perlas ng Silangan, sa kahit anong bagyo ay hindi uurong

Panawagan

(HINDI KO MABIGYAN NG PAMAGAT-BIGYAN NYO NGA hehehe)
Ilang tulog na lang at pasko na naman
Malamang sa malamang,mga guro may tanong na naman
Ano kayang regalo sa amin ng gobyerno? 
Aginaldo, porbetso, pamasko kapalit nang mabuting pagtuturo


Sa ganitong panahon, aakalain ninyong ako'y materialistic
Hindi naman kabayan, kapamilya, kapuso, at kapatid
Nagtataka lang ako nang sobrang walastik
May ilang tao sa pamahalaan, ang bonus super fantastic


Napapailing na lamang ako sapagkat halos marami sa kanila
Paldo-paldo, punong-puno lahat na yata ng bulsa
Milyong bonus sa mga boss ng GSIS at SSS, samantalang napala ng iba sobrang kaltas sa GSIS
Bilyong pork barrel naman nasa mga senador at maging kay Napoles,may matira pa kaya sa amin o baka meron nga pero less


Iyong mga bonus nila ay milyong piso
Hindi naman sapat minsan ang serbisyoIyong iba baka nagke-candy crush lang habang nakaupo
Samantalang ang ibang manggagawawa ay hindi makaihi, makaupo, 
Iyong iba pa kalahating araw na nakatayo

Well, bakit ko ba naiisip ito
Sumasabay pa ba ako kay Yolanda o sa Napoles issue
Hindi naman kaibigan,'pagkat sila man ay may DAP at PDAF
Tayo naman PEI at PBB ang katapat


Hehehe,bakit ko ba ito inuungkat?
Malabo namang mapansin ito ng lahat
Wala lang, kapag walang pasok lang ako nakapagsusulat-sulat
Baka akalain ninyo na naman na nais ko lang bumanat


Eh sa totoo lang, matagal na naman itong panawagan
Suweldo at benepisyo kahit konting dagdag lamang
PEI ginawang PBB sa isang banda ay kakaiba nga naman
Suwerte ka kung mataas ang NAT ng iyong paaralan



Paano kung may taon na ang mga bata ay may kaunting kahinaan
Malamang makuha mong bonus maliit na lamang
Sapagkat ang PBB segun sa NAT performance
Tsk, tsk, tsk...ito ang basehan


Kaya ngayon pa lang, isa lang ang mainam
Review sa NAT ay pagbutihan, oras ng review ay dagdagan
Kung NAT pa rin ay sumemplang
Naku! Patay tayo diyan, isa na lang ang paraan
Magdasal nang mataman



Kaya ngayong PASKO na naman
Bigayan ng bonus parating pa lamang
Sana naman kami ay pagbigyan
Kami'y magagalak kung ang bonus ay PANTAY-PANTAY lang.

Thanks

Our family would like to thank all the people who are helping us in different ways. Thanks to all those families who are assisting us. We are indeed grateful to have you as our friends.

Jan Three Years After the Liver Transplant

Thank you Papa Jesus!

(This is my precious baby three years after his liver transplant operation)